影片
更多
2017-10-07
394 浏览
日本嘅築地傳統上係批發活海鮮嘅市場， 今時今日， 除咗有得買生猛嘅海鮮之外， 裏面仲開咗形形式式嘅日本食店。呢個位於灣仔碼頭嘅《 築地。山貴水產市場》， 開業冇幾耐， 座擁維多利亞港嘅美景， 裏面除咗有各款新鮮嘅水產賣之外， 亦開設咗唔同嘅餐飲區域，有立食壽司， 海鮮吧， 即埔浜燒， 龍蝦包， 品味梅酒， 同海鮮丼飯區域， 令人有如置身於微型日本築地嘅感覺。逢星期二、五、六嘅六點半至七點，仲會有鮪魚解體表演， 可以近距離欣賞到師傅精湛嘅刀功， 亦可以聽到師傅細緻解釋吞拿魚嘅部位， 可謂一舉兩得。今次好好彩， 可以撞到呢個鮪魚解體表演，鮪魚即係我哋熟悉嘅吞拿魚， 平時最出名嘅就係肥美嘅拖羅。 日藉師傅刀法如神， 三兩下功夫， 就能夠將體積有半個人咁大嘅吞拿魚解體， 當表演完畢後， 觀眾仲可以即場買最新鮮嘅吞拿魚刺身添。今晚同朋友就選擇咗海鮮bar嘅區域， 一來可以品嚐一下汽酒同生蠔，二來响海鮮bar區域可以將維多利亞港嘅夜色一覽無遺。 一坐低， 就梗係先叫番個生蠔汽酒套餐啦， 由於我哋已經過咗七點鐘， 無法享用free flow生蠔， 不過都可以享用$160， 6隻生蠔加一杯汽酒嘅set
呢個位於灣仔碼頭嘅《 築地。山貴水產市場》， 開業冇幾耐， 座擁維多利亞港嘅美景， 裏面除咗有各款新鮮嘅水產賣之外， 亦開設咗唔同嘅餐飲區域，有立食壽司， 海鮮吧， 即埔浜燒， 龍蝦包， 品味梅酒， 同海鮮丼飯區域， 令人有如置身於微型日本築地嘅感覺。
逢星期二、五、六嘅六點半至七點，仲會有鮪魚解體表演， 可以近距離欣賞到師傅精湛嘅刀功， 亦可以聽到師傅細緻解釋吞拿魚嘅部位， 可謂一舉兩得。
今次好好彩， 可以撞到呢個鮪魚解體表演，鮪魚即係我哋熟悉嘅吞拿魚， 平時最出名嘅就係肥美嘅拖羅。 日藉師傅刀法如神， 三兩下功夫， 就能夠將體積有半個人咁大嘅吞拿魚解體， 當表演完畢後， 觀眾仲可以即場買最新鮮嘅吞拿魚刺身添。
今晚同朋友就選擇咗海鮮bar嘅區域， 一來可以品嚐一下汽酒同生蠔，二來响海鮮bar區域可以將維多利亞港嘅夜色一覽無遺。 一坐低， 就梗係先叫番個生蠔汽酒套餐啦， 由於我哋已經過咗七點鐘， 無法享用free flow生蠔， 不過都可以享用$160， 6隻生蠔加一杯汽酒嘅set， 生蠔雖然唔算好大隻， 但都尚算新鮮， 食得出海水嘅鹹味， 味道帶有回甘，同Chandon Brut 呢支汽酒頗匹配。
呢杯汽酒果味香濃， 帶有蘋果、梨同柑桔嘅香氣，after tastes較dry， 但都算而入口， 望著醉人既美景， 呷一口美酒， 煩惱一掃而空。
另一款係海鮮吧必食之選， 就係凍海鮮拼盤$358。 呢個海鮮拼盤份量相當豐富， 足夠兩人share。 由於頭先睇完鮪魚解體表演後見到人拍賣龍蝦， 所以都忍唔住加咗50蚊去升級原隻龍蝦。 海鮮拼盤分為兩層， 上層係最吸睛嘅原隻龍蝦， 龍蝦size一啲都唔輸蝕， 比起一隻手掌仲要大少少， 由於龍蝦採用烚嘅方法去煮熟， 所以就最能夠食出龍蝦本身嘅鮮甜味。 龍蝦肉夠曬爽口彈牙， 肉質夠緊緻， 而且juicy多汁， 基本上唔使用任何調味， 都可以食出龍蝦本身嘅海水味同鮮甜味。
海鮮拼盤仲有燒帆立貝、 汁煮東風螺、藍青口、海蝦，同磯煮鮑魚。 我就最鍾意汁煮東風螺， 同埋燒帆立貝。 東風螺肉彈牙， 有o趙頭， 由於用咗汁煮， 食落甜甜地。 另外嘅燒帆立貝就夠曬溏心， 外面燒得金黃， 裏面軟滑。
另外呢度都有各款壽司套餐，$88就有五件新鮮嘅手握壽司， 認真超值。 壽司即叫即握， 珍珠米飯糰毫不鬆散， 刺身亦相當新鮮。
呢個《築地。山貴水產市場》， 和風味十足， 食完飯再可以坐渡海輪， 一邊吹吹海風， 一邊欣賞維港兩岸璀璨嘅夜景添。
张贴
