溏水吧 (已結業)

約左個朋友食野，大家都未食飯都好想食甜品，見到附近有間新開既小店叫溏水吧，望下餐牌除左有糖水同甜品食之外仲有鹹食！諗都唔使諗就決定食呢間啦！餐廳有套餐供應，我地叫左個石鍋飯同埋個麵餐！麵餐我地揀左芝士雞翼餃子，個芝士汁幾濃幾香，個麵既炸醬好夠味，撈埋個麵一齊食都幾好味！另外我地叫左雞翼石頭鍋飯，熱辣辣，撈埋個韓式辣醬食，食完個人暖笠笠驚喜既地方係套餐既餐飲竟然係鮮榨果汁，我地叫左杯哈密瓜汁同埋西瓜汁，原汁原味，真係鮮果榨出黎！甜品我地叫左雜果紫米露加椰果、芒果糯米糍同埋香蕉船！芒果糯米糍皮薄餡靚，每芒果都幾甜！香蕉船賣相已經夠吸引，最正嘅地方係佢哋嘅雪糕係用Movenpick！而且價錢唔貴！整體黎講性價比高