吉列牛忌廉烏冬專門店 (百樂中心) (已結業)

今日同返工返到成隻狗嘅friend去食好西。返工受咁多氣真係會想搵嘢burn下，咁我揀嘅呢間打卡熱點級餐廳就啱曬啦。一份吉列牛定食加咖哩忌廉烏冬盛惠$246，除咗兩樣主菜仲有麵豉湯、豆腐、白飯（灑咗拌飯香鬆）等等。吉列牛肉質鮮嫩透紅，而熱石就喺你面前，任你決定啲牛煎到幾熟。爽！咖喱忌廉烏冬直頭一早出曬名，搶佔過大家嘅ig story，而今寶刀未老，依舊好睇好食。烏冬嘅煙韌嚼勁同咖喱忌廉嘅綿滑口感，一時三刻真係諗唔到有乜其實食物可以撼動到呢款咁有特色嘅食物。白飯都想額外讚下，粒粒分明而且飽滿剔透，加埋香鬆更加到異國風味。我哋仲點咗另一款小食——牛舌雞肉串（$38）。兩串粗大嘅肉串，燒得香氣撲鼻而至，兩種肉都堆得滿滿，每啖都食得非常滿足。———————————————#吉列牛忌廉烏冬專門店 吉列牛忌廉烏冬專門店 (百樂中心) (銅鑼灣)銅鑼灣耀華街3號百樂中心22樓