甜公館 (已結業)

今晚去咗大角咀DINNER，順便試咗附近一間新開既甜品舖。全新裝修，環境整潔又企理，座位之間唔會太迫，都坐得幾舒服。幾個FRIEND一齊SHARE咗三個甜品~香蕉焦糖燉蛋賣相好精緻，入口香甜滑溜，有好重既奶香，質感偏挺身，面頭既焦糖外殼夠焦脆，仲鋪滿哂香蕉片，好正。士多啤梨窩夫配朱古力雪糕窩夫烘得鬆脆，加上忌廉、士多啤梨，配合埋夠哂冰凍既朱古力雪糕同食，一冷一熱，而家天氣食真係透心涼。鮮奶桃膠蛋白桃膠煙煙韌韌好有口感，甜度剛好，蛋白又嫩滑，好好食。