影片
更多
2016-05-08
69 浏览
近年流行蒸氣鍋, 港式都食過好幾次, 呢晚有朋友提議食正宗韓式海鮮塔, 都係蒸, 由頂一層層咁食落去. 反正未食過, 一於去試下先. 朋友搵左呢間九重鮮, 入到去地方闊落, 夠晒光猛乾淨, 坐得好舒服. 由於係韓式, 所以連碗筷都係韓系, 真係第一次咁食.因為我地未食過, 所以店員特別講解下食法, 同埋醬料有D咩, 有辣醬, 自家制醬油, 同埋甜酸醬用黎點海螺. 另外漏斗用黎計時, 幾有趣.最佳食法有圖介紹, 不過人少材料少就未必疊到9層, 但食既時間係差不多.放海鮮前先揀左粥底, 要左韓式豬手湯, 除左豬手, 仲有蘿蔔同韓式年糕.因為想食多幾種海鮮, 所以要左"首爾塔"$398/位, 好多貴價海鮮都包括. 店員講頂部個溫度計夠90度就可以食第一層, 最好響一個漏斗時間食完第一層.等左10分鐘左右已經夠90度, 所以就開始食第一層, 原來第一層有蟶子, 象拔蚌, 爽口夠彈牙, 煙韌夠開胃, 第一層唔好太heavy.漏斗差不多漏完已經食完, 可以開始下一層, 第二層有海蝦, 肉質彈牙, 好有蝦既鮮甜味, 完全唔洗點醬已經夠晒味. 仲有元貝, 好爽口, 肉厚夠肥美.食到第三層, 其實都唔洗
由於係韓式, 所以連碗筷都係韓系, 真係第一次咁食.
因為我地未食過, 所以店員特別講解下食法, 同埋醬料有D咩, 有辣醬, 自家制醬油, 同埋甜酸醬用黎點海螺. 另外漏斗用黎計時, 幾有趣.
最佳食法有圖介紹, 不過人少材料少就未必疊到9層, 但食既時間係差不多.
放海鮮前先揀左粥底, 要左韓式豬手湯, 除左豬手, 仲有蘿蔔同韓式年糕.
因為想食多幾種海鮮, 所以要左"首爾塔"$398/位, 好多貴價海鮮都包括. 店員講頂部個溫度計夠90度就可以食第一層, 最好響一個漏斗時間食完第一層.
等左10分鐘左右已經夠90度, 所以就開始食第一層, 原來第一層有蟶子, 象拔蚌, 爽口夠彈牙, 煙韌夠開胃, 第一層唔好太heavy.
漏斗差不多漏完已經食完, 可以開始下一層, 第二層有海蝦, 肉質彈牙, 好有蝦既鮮甜味, 完全唔洗點醬已經夠晒味. 仲有元貝, 好爽口, 肉厚夠肥美.
食到第三層, 其實都唔洗計時, 總之食左上一層就可以繼續食. 呢層有北寄貝, 好大隻, 爽甜夠鮮味. 仲有花尾龍躉, 肉質滑溜, 鮮味無窮, 而且無骨, 魚皮膠質夠豐富, 好好味.
第四層就有肉蟹, 肉質鮮甜, 夠蟹味, 蟹膏夠鮮. 大花蛤, 蝴蝶蚌都好煙韌彈牙, 入口無渣.
最後就係終極第五層, 一打開有鮑魚, 肉厚肥美, 食落爽甜, 唔洗點醬原汁原味好正.
仲有大蚌, 鮮甜爽口, 乾淨無沙. 海螺肉厚, 點少少甜酸醬可以再提升鮮味. 仲有各類既蔬菜響各層, 減少飽濟感.
最後既粥底吸收晒海鮮既鮮甜味, 豬骨味就少D, 滾得比較稀.
韓式食法時間比港式快, 而且唔洗下下搵人放材料, 可以一層層咁食夠乾手淨腳. 同埋呢度海鮮夠新鮮, 實際上唔洗點調味都夠晒味, 鍾意重口味就可以點少少. 张贴
