初見

营业中

休息中

尋晚趁着星期六，就諗住出去慢慢食餐好嘅。平時行過好多次見到呢間叫做初見嘅餐廳都好想入去試吓，不過每次都係因為太多人排隊而打消左呢個念頭。所以今日我哋就特登早啲出嚟早啲食晚餐。大概6:30鐘去到見到餐廳已經坐滿晒人，我哋就喺出邊等咗幾個字等入咗。我哋點左餐牌上面嘅推介亦都係OpenRice上面嘅推介一個香茶吉列牛，另一個就係海鮮鍋。再升級套餐，有埋刺身同湯同飲品。作為前菜來講，加$38，刺身份量都好多亦都幾新鮮。我會重點推介嗰個香草吉列牛，佢份量唔少，而且每一片牛都好Juicy, 配埋佢嘅特色醬汁，好快已經食完一碗飯。海鮮鍋都係另一個推介佢只係$88但係有好多種唔同嘅海鮮，有蝦，有魷魚，仲有三文魚同埋蜆，個湯底入邊亦都有好多種唔同嘅菜，鮮味之餘亦都好夠飽，兩個人埋單，每人平均百零蚊，我覺得係星期六晚餐嘅超值之選。