火五越式牛肉粉專門店 (其昌樓)

营业中

休息中

最近天氣太熱都冇胃口食飯所以收工同朋友走咗去食越式粉麵。火五火車頭牛肉粉大大碗嘅火車頭入面材料包括左生牛肉，札肉同埋牛丸，牛腩。牛肉食落夠嫩滑，牛丸好有驚喜咬落好彈牙多汁，反而扎肉就普普通通，湯底方面有好濃郁嘅牛骨味 ，味道非常鮮甜。越式花膠老火雞湯河湯底非常清甜而且入面真係有花膠㗎份量都唔少Tim ！花膠食落唔會好淋身，雞肉方面唔會好鞋口，而且啖啖肉。手作扎肉紙米卷紙米卷入邊入面餡料都非常之多，有生菜米粉蘿蔔絲同埋扎肉。意大利黑醋汁蒜蓉牛油雞翼黑醋汁剛好可以中和到雞翼嘅油膩感，配搭幾新鮮。火五特色鳳爪白雲鳳爪配上一啲酸酸甜甜嘅蘿蔔絲真係非常開胃。今天來講成間餐廳嘅湯粉都唔錯而且都幾平下次都可以再嚟。