新匯聚打冷小廚 (已結業)

雖然疫情嚴重，但點都要出街食下飯，嚟到觀塘醫肚，搵咗間有打冷及小炒嘅餐廳試吓坐低後開咗一壺水仙歎吓，果然水滾茶靚，茶味清香甘厚，正好清洗一下味蕾再品嚐美食點咗個潮式蠔仔泡飯(大)、招牌話梅骨及豉油王龍鬚炒麵，兩個人都大食，唔知份量夠唔夠呢？未夠幾分鐘已送上一大鍋泡飯，材料十分之多，蠔仔肉漲卜卜，新鮮又大粒，啖啖都食到，加埋冬菇、肉碎及冬菜，可以食到幾碗。招牌話梅骨即係甜酸排骨嘅變奏版，排骨大大件，炸得鬆化，酥味可口，話梅味從中慢慢滲透出來，而且份量十足，夠食有餘。最後仲有炒麵，雖然豉油嘅顔色稍遜，但勝在配料豐富，有魷魚絲、韮菜、洋蔥及芽菜，配合得非常美味。大胃王一定食得夠滿足！款式夠晒多，亦都有甜品選擇