阿爺八鮮鍋 (已結業)

同d 朋友諗緊食咩，天氣凍冰冰。最正梗係打邊爐啦～打爐就成日都得，有朋友提議食粥底火鍋行過旺角，見到間阿爺粥膳八鮮鍋，即刻上去試下新野，上到去，裝修企理，坐得舒服，又有卡座，絕對係三五知己傾偈好地方我地叫左個海鮮拼盆，超正海鮮，好新鮮，d鮑魚仲郁嫁～全部好鬼生猛蜆好大隻。好足分量首先侍應會幫我地放左d雞，蝦，蟹落去炒一炒先，香噴噴嘩，呃like一流，點火，好香酒味之後會加個湯，係龍蝦同南瓜做膽既湯，望到d 色都知真材實料，滾一滾d 海鮮，就食得侍應仲會好細心講你知每樣海鮮煮幾耐，等你唔會將d海鮮煮到過老。鮑魚岩岩好，一d都唔un貴妃蚌，無沙，清甜食完個海鮮，就可以另加5樣野打邊爐，紫菜響鈴，一望已經好鬆脆，碌一秒，超正，炸得好乾身本身對豚肉無咩興趣，但朋友叫到就試下啦，點知又幾好食喎， 入口即溶最後重頭戲緊係個粥啦，正到不得了，成晚精華所在，鮮甜，加埋蔥花同菜脯，食完一碗又一碗