去到門口見到個名, 哦...BBQ! 咁咪要食好多串先會飽....??!
坐低就由我朋友發板!
老闆娘二話不說就放低左人頭咁多碗例湯俾我地! 我諗, 可能驚我地太熱氣吧!
平時我都唔太飲例湯, 都係味精肥油水, 不過當時有D 渴就飲下啦, E? 好似無落味精WO, 有雪耳味, 認真野, 就飲多兩啖啦!
同行4人, 先黎一個紅燒BB鴿
BB 鴿- 都幾有肉同大隻, 而且醃得好入味, 唔係平時個D 生炸鴿, 仲有D 皮脆但唔油, 肉又嫩, 應該唔係炸, 係真係燒既! 好好味!
梅菜炒菜心 - 第一時間諗, 又話BBQ, 無啦啦食炒菜心??!! ANYWAY 我見上面有D 深色既野, 一試, 發現原來係走過油既梅菜，帶晒D 甜味出黎, 連埋菜心食, 又甜更香!
鹽焗東風螺- D 肉好脆好爽, 而且鹽焗帶出螺內面淡淡海水味, 食得出既新鮮味
蒜茸燒元貝- 入門口前見到, 大大個字寫 9:00 後$1!!! 嘩, 呢個size $1 都絕不欺場wo! 大過我隻手掌ar! 而且上面有d菇, 索晒d 精華,正
秘制燒豬肋骨
睇落好似义燒，但一放低已經覺得好香，外皮香香地甜甜地，係個醬好惹味，肋骨醃得好入味，肉質稔而且火路控制得好好，剛剛熟令到d 肉唔會太鞋，呢個絕對係一個必食推介！
整體黎講，海鮮用得好新鮮，肉類，小菜都高水準，唔係bbq 咁簡單！
