小漁港海鮮舫 鮮蒸‧鮮味火鍋

营业中

休息中

想食海鮮鍋，就去左朋友介紹嘅一間位於太子嘅海鮮鍋！簡左$318一位嘅海鮮蒸鍋餐，見呢款套餐已包好多款海鮮+食物！有8款海鮮，馬友、蝦、蟹、帶子及幾款貝殼類海鮮，款式好多。餐廳職員會幫手逐盤海鮮放入蒸鍋蒸，set好時間，確保海鮮肉質鮮嫩！一食入口，真係好驚嘆…因為每款海鮮都好鮮甜，食得出海鮮係相當新鮮！最愛食蟹，蟹膏及蟹肉都好新鮮，當中蟹殼仲會放入粥底煲成粥，蟹膏融入粥底，好鮮味。當中仲有一道主菜係蟲草雞蒸烏冬，蟲草雞蒸得好鮮嫩，肉質超級嫩滑，真係食完一舊又一舊！而烏冬更加係精華，吸入雞湯嘅鮮味，好正。