桜

营业中

休息中

放假冇野做，一於同朋友悠悠閒閒入元朗搵野食同hea下啦。去到元朗其中好出名既又新街，依道附近無論小食同餐廳都多到令人花多眼亂，行經過依間手卷店，見外面有少少人排緊隊，再望下個menu，好多選擇呀，而且價錢公道口痕痕又想食返件。咁多款真係好難揀，最後就揀左最鐘意既加拿大海膽手卷。等左一陣就有得食啦，就咁望上去真係鋪滿左好多海膽，絕不欺場！海膽果然鮮甜，因為依款係加拿大海膽，比起韓國或者其他地方既肥美，雖然份量望上去唔會有滿瀉既感覺，但佢每粒海膽都好大粒，海膽味夠濃，而且仲會好creamy。食完最上面d海膽，以為下面淨係得返壽司飯，但原來佢中間都有放到海膽，好細心，成個手卷都有濃濃既海膽味！然後食完晚飯，再經過依間鋪，因為太回味無窮！都係想試多次，但又因為太飽既關係，咁就決定嗌外賣遲d食。本身諗住encore海膽，但都決定試下新野，就嗌左個三文魚蟹子。但返到屋企太飽，放到第二日午餐先食 一打開手卷就見到佢中間都鋪左蟹子同三文魚，等你唔會食到中間得返d飯咩味都冇，果然真材實料！雖然食材隔左一日，但都仲保持到新鮮，紫菜都保持到好脆！三文魚加埋蟹子好有口感，佢用既蟹子都係比較大粒飽滿，咬落好爽口