翔壽司 (已結業)

今日同老友晚飯，佢提議去位於厚福街#翔壽司，我當然讚成啦，最鐘意日本野。餐廳鋪位細細，坐位唔多， 好在老友記叻叻，一早book 定位。 #拖羅海膽杯海膽極之咁新鮮，好似食緊杯雪糕咁滑溜嘅拖羅，配埋咸香味俱全，粒粒都晶瑩剔透, 亮晶晶嘅三文魚籽，yummy 😋。#特上刺身牡丹蝦、吞拿魚腩、海膽、赤貝、深海池魚同真鯛～蝦鮮甜有咬落膠質感重，吞拿魚腩好正魚油香味，海膽入口即溶冇得輸，赤貝爽滑彈牙好鮮甜，深海池魚同真鯛魚質新鮮， 入口軟淋。 #特上壽司盛合海膽、三文魚籽、牡丹蝦、帶子、灸燒金線鯛、拖羅、深海池魚、池魚、油甘魚同真鯛～拖羅肉質肥美，口感柔滑，海膽色澤金黃，味道當然正啦鮮，油甘魚、池魚、深海池魚、真鯛均充滿魚油甘香，牡丹蝦、帶子新鮮彈牙，三文魚籽咸香甘甜。配合軟熟壽司飯，真係食過番尋味啊！