嵐橋丼飯專門店 (已結業)

今日同老公2個人出去尖沙咀行街，佢話好耐都冇食日本野，所以我就上網睇下有咩好介紹，就睇到呢一間好吸引，所以就去食啦😝，去到既時候剛好18:00，所以唔使等就可以入坐啦✌🏻，入面環境唔錯，雖然唔係好大，但就非常舒適，服務員亦都好好禮貌，1）貝味三丼，入面有象拔蚌、北寄貝、帶子、蔥花吞拿魚蓉、三文魚子同埋蟹鉗，刺身非常新鮮，象拔蚌非常鮮味👍🏻，蟹鉗非常鮮甜，2）赤鯥丼，入面有三文魚、蔥花吞拿魚蓉、三文魚子、韓國海膽、深海池魚、松葉蟹鉗、赤睦、牡丹蝦，三文魚非常肥美🤤，牡丹蝦非常新鮮，3）日本阿波酢橘雞皮，燒到脆卜卜，非常香口，加埋啤酒一流👍🏻，4）日本阿波酢橘雞翼，燒到外面雞皮脆卜卜，而入面雞肉仲好滑👍🏻👍🏻，整體來講值得一試