大快活 (已結業)

下班後，到荃灣參與一個研討會。散會後巳經晚上八點三。好肚餓！遂三步作兩步跑來這兒醫肚。週四晚上八點半，這間「大快活」居然九成滿！於是，改為外賣回家。店員亦相當有效率地把order 由堂食改為外帶，抵讚！點了「鮮原茄系列：豬扒配橄欖油意粉」（$27）。心想：廿七蚊，唔算平。但咁出名都未試過，唔係幾妥喎！於是，就一試。以外賣快餐食品而言，包裝和賣相絕對係「極好」。至於比「大家x」‘亂pat一統’的手法，好幾班！同埋，店員對於公司的食物規條，都會遵守。比方說：負責包裝我的食品的店員，見豬扒缺少兩粒車厘茄，即退回厨房大哥，要求加番那兩粒車厘茄。還有，蕃茄、豬扒、意粉是獨立包裝，以免影響食味。對食物質素的監管，睇得出係有去try。經過廿分鐘車程，原茄仍然熱的，至於意粉和豬扒成為室溫。「意大利香草燴原隻鮮蕃茄」：呢個絕對係呢份餐的「賣點」和「重點」。原茄份量夠多。此尺碼蕃茄，在超市起碼要成五蚊。調味亦是濃郁的意式香草和蕃茄蓉，有「原汁原味」的感覺。「煎豬扒．車厘茄」：僅薄薄沾上一層粉去煎炸，調味okay，鬆化酥軟。雖說是成尺長，實際上份量跟坊間一般食肆差不多，分別在於這兒是一塊過，人家是兩件上。配