鮨鶴日本料理 (已結業)

最近有好友升職，於是我地食返餐好慶祝 =]朋友一直都好想食 OMAKASE，於是近近地揀左灣仔既鮨鶴！入面既環境好靚，好舒服～坐低睇睇我地決定唔慳住食，一於揀最貴果款～"祥鶴" ，一共有18種加卷物！ 先黎前菜，有粟米、酸菜同波菜，食落開胃醒神！ 之後有蠔～大大隻好肥美，食落味道好鮮，仲有鹽水味！ 海膽腐竹湯～味道唔錯，海膽新鮮！ 之後有赤貝、粒貝、帶子刺身～赤貝色澤亮麗，肉質爽甜，海水以及鮮甜味濃郁；粒貝帶有少少輕微鹹，而且帶子食落肥美！ 之後有飛魚、伊左目、海膽帶子等 ~ 然後竟然有鮑魚～鮑魚濃香、爽口，食落好驚喜！ 然後到壽司呀～有鯛魚、深海池魚、鯖魚、沙甸魚！款款都好特別，平時好少0向出面食到的 =] 另外，仲有石門貝、右口魚邊、甜蝦，同埋３款吞拿魚！3款吞拿魚包括：中拖羅、頸拖羅、赤身~個赤身特別要講講，好特別，佢係有少少酸同鐵繡味，唔錯! 最後仲有個海膽飯 =] 三文魚子&吞拿魚蓉～賣相已經冇得輸，三文魚子粒粒都好晶瑩剔透，吞拿魚蓉都幾新鮮=] 最後仲有碗雕魚湯～味道相當濃郁，聽師傅講用左7種魚煲成的！ 最後個甜品真係好正！綠茶紅豆呢個配搭真心MAT