點解呢？因為佢地成日都有好多期間限定
仲有出面少見既雞泡魚刺身，姐係河豚呀！同埋雞肉刺身沙律
驚喜呢？小妹都未係日本試過呀！！太開心佢地竟然由日本帶左呢啲餐品返黎呀
小店雖然係西灣河，但佢既周圍環境都十分正，我建議各位男仔可以帶女朋友黎吹下海風食下好西！
係好正既期間限定，上月返工爆數呀！！特登帶家姐黎食期間限定架
白子食得多，河豚白子食過未？聽講對男女都補，女士有美顏效果架！
佢係雞泡魚精巢
一黎到就叫左兩杯Suntory生啤啦
爽呀
率先到枱既係雞肉刺身沙律🥗
其實本來小妹係有啲怕雞肉刺身會腥，但呢個沙律配上左柚子醬油，一啲都唔腥加上佢本身帶有煙燻味好貼心而且肉質好滑
係十分讚既菜！而且佢仲要唔貴呀咁特別又好味，都係$98份如果唔係飽飽真係想叫多份
之後仲叫左北海道海膽壽司🍣
小妹平日都好中意食海膽！但出面啲海膽有時好伏，叫到上枱會帶瘀黑啞身，又有怪味
但呢件壽司真係好正呀佢完全冇話啞身，仲十分有色澤係好吸引既橙色食落口真係甜到漏呀
再黎！期間限定既松島蠔呀
除左中意食海膽，生蠔就係我另一喜好$88/2既極上松島蠔，睇到既時候已經十分驚喜因為佢脹卜卜勁飽滿，而且仲有返啞上下大隻架！佢配上左特調既醬汁，非常特別食落口啖啖鮮味滲入，仲好creamy
講到日式居酒屋一定唔少得燒物啦，我就叫左客燒白鱔
佢既份量都相當合理，兩串既價錢賣$98皮脆肉厚又香滑如果再加多些少鹽燒，一定會勁勁勁好食
呢個萬眾期待既菜式：河豚刺身
姐係雞泡魚刺身，一般市面上都搵唔到，而係鮨玥就比我搵到黎試！呢個有時會好快賣晒！Menu好似係冇寫架，想食記得問下餐廳職員有冇啦！我都係朋友上次食試過先知有一片片薄片既雞泡魚，原本以為會好un，會似魷魚或者花枝片咁但佢意料之外地爽口！小妹先試一片係唔點任何醬汁，食落口其實都帶有特別既魚鮮味但就比較清淡所以第二片就試下點返佢配既柚子醬油啦果然廚師既配搭係有原因架！岩岩先話單食比較清淡，原來加上左柚子醬油就立即變得更鮮味會唔會太正呀
牛舌就係咁多樣食物中最普通既一個菜式
中本鮪魚腩丼定食
十分抵食$298就有咁多片中拖羅仲要配埋茶碗蒸、沙律同麵豉湯其實點一個set都已經開始飽但我係大胃王！所以我先試到咁多小食同埋刺身
你睇下佢既油脂分佈
真係好正油香入口即融刺身勁新鮮，聽講餐廳每星機都有飛機貨送到店架唔怪得咁新鮮
當然唔少得食返個甜品作結啦
呢個菠蘿雪葩，樣靚味又好香甜既菠蘿味，啖啖涼快舒心$75蚊買個心甜都好呀真係好豐盛既一餐呀下次會再黎
