鮨政 (已結業)

鯛魚拉麵呢個拉麵既湯底整得好好，好香鯛魚味，真係用鯛魚去煮出黎，好清甜既魚味，拉麵都係正宗日本拉麵，麵質好好，淨係食麵同湯都夠呀😆當然豚肉都係好好食既，肉質幾嫩，唔錯呀😗芥辣金䱽魚牛油果呢個算係一個細細既沙律咁啦，全部餡料都撈左沙律醬，牛油果切成一粒粒，好滑身，口感好好，金䱽魚亦都好新鮮，好鮮甜😄有少少辣辣地，好開胃😙銀鱈魚西京燒呢個銀鱈魚燒得好好，本身銀鱈魚已經係好靚嘅銀鱈魚，大大嚿燒完出嚟啲魚肉都唔會一夾就散😌魚皮燒到好脆，啲魚油燒晒出嚟，但係食落又唔會好肥膩，反而好香好好食呀😚炸蝦天婦羅卷依個炸蝦天婦羅卷好吸睛😍炸蝦天婦羅放喺壽司入邊，其中一舊係有成個蝦頭係壽司入邊，炸得好脆，壽司仲有啲生菜，成個感覺都好清新，炸蝦唔會好油膩，蝦肉又彈牙，好好食🥳