國金軒

营业中

休息中

當日星期四，放假，約1點幾，只有二張枱有人坐，裝修又與中環完全唔同，以綠色為主，掛兩幅抽象畫，沒有大吊燈，以透明玻璃球代替，我坐在圓形綠色梳化位，外望柏麗大道大樹，因在3樓，看不到街上行人，窗像是畫框，陽光加被風吹的大樹，形成一幅幅立體動畫，真係有心思。一碟三件雞粒鮑魚酥$88，話係原隻鮑魚，係將鮑魚切開，藏在酥皮內，唔知係唔係原隻，但有口感，有咬口，有鮮味，也不錯。蟹子玉帶燒賣$36，當然也新鮮彈牙。帶子魚子蛋白炒飯$130，夠料，夠份量，當然係用靚米，爽口兼彈牙，食落魚子卜卜脆。但當日裝修，打鑿聲及鑽牆聲，十分騷擾，破壞寧靜，問待應起碼要半年要忍受，所以要假日先好來，假日工人休息。