JW咖啡室

营业中

休息中

有朋友食過幾好，有炆鮑魚及花膠聽到都開心，我都唔執輸試吓。餐廳設計時尚，但係座位唔闊落，比較逼，枱亦細，再放多碟都無位，服務方面唔錯，收碟快，態度好。龍蝦，涷蝦兩樣都新鮮。龍蝦細細隻肉質彈牙，但就無咩膏。刺身新鮮，分配份量夠。蟹，蟹鉗，龍蝦鉗，東風螺唔錯。大大件嘅鵝肝充滿油香，牛亦唔韌。炆鮑魚，花膠，蒸海斑。花膠炆得好入味，好滑，鮑魚有咬口，海斑少有蒸得咁滑。仲有滑嘟嘟嘅海參，各類熟食味道唔錯。甜品方面還可以，但無大驚喜。