紫玉蘭 (已結業)

第一次來紫玉蘭，那優雅的碗碟，加上那超香的香片茶，而食物水準又不俗，所以留下了頗良好的印象。平日都會和同事黎呢度食lunch. 呢度lunch是全點小菜的，沒有廣式點心，只有星期六日或PH才有飲茶的．今日特別和老公黎飲茶，星期六呢度靜靜地，我們點了蝦餃，燒賣，鮮蝦腸粉，鮑汁鳳爪，嫩雞喂麵，奶凍．先來一碟前菜，那青瓜素雞花生，小小辣，幾開胃，吳錯，好味道！美心集團的蝦餃，一向都吳錯的，可以清楚有幾多褶的，唔係好大粒，但係粒粒都晶瑩剔透，蝦肉好彈牙，吳錯．燒賣都算係大大粒那種，食落ｄ肉又吳肥膩，吳錯，好味道！鮮蝦腸粉，個皮都幾有米香兼彈牙，蝦仁都幾爽口彈牙。鮑汁鳳爪，好期待，因為都幾喜歡呢樣野，好想知道呢度的係咪好味道，一碟有六隻，呢度ｄ鮑汁濃淡適宜，幾香的鮑魚味，鳳爪夠淋，但ｄ皮又吳會瀾，幾好！嫩雞喂麵，上海菜的喂麵係陽春麵加上一個濃雞湯，再配小小小棠菜粒，呢度的做得好好味，真係值得再試的．奶凍，呢度都幾出名的甜品，白雪雪滑滑的奶凍，加上柚子粒，椰奶，真係perfect match!紫玉蘭是美心集團中被評為米芝蓮一星級食肆。想必有其過人之處吧!