車氏粵菜軒 (已結業)

和同事黎呢度飲茶，呢度如果坐入房，都算好坐，如果坐出面，就好嘈。我地三個人，點了一定要食的酥皮叉燒餐包，炸兩，鮑汁鳳爪，魚湯海鮮米線，燒賣，燒腩仔，。鮑汁鳳爪，黎到真係要嘩一聲，好大碟，足有十隻有多。鳳爪用鮑汁炆到淋淋的，好豐富的膠質，第一次食呢隻整法，都唔錯。魚湯海鮮米線，個魚湯幾濃旭，唔錯，配料有蝦，有魚肉，不過以五十多元一碗來說，都唔算抵食。酥皮叉燒餐包，真係幾唔錯的。總而言之，呢到的點心都係偏貴，同埋細碟的。