影片
更多
2019-05-27
56 浏览
中午喺旺角食完飯，經過呢間冰室，門口好Sharp醒有特色，同朋友決定夜晚過嚟試吓「荷里活」美食！冰室有兩層，亦有唔少卡位。 講真，喺旺角同類餐廳，呢度坐得舒服好多，唔駛身貼身咁食，仲有wifi方便旅遊人士添。一睇餐牌就見到食物種類幾多，小食、小菜、粉、麵、飯、中式西式都有！ 好快就睇啱野嘢落order。 熱鴛鴦嘅茶味唔錯，但咖啡味麻麻，有啲失望。龍鳳檸檬可樂有咸檸檬同新鮮檸檬，加埋冰凍可樂同咁多冰粒，真係透心涼。椒絲腐乳炒通菜份量唔少，腐乳好濃又帶微辣，最正係有鑊氣，火喉啱啱好，通菜好爽脆。魚湯胡椒蠔仔肉碎泡飯面頭有好多蠔仔，用料十足。 奶白色嘅魚湯，係用左深海龍躉骨腩餚製，好香甜。 仲帶有胡椒同香芹嘅香味，$48幾抵食。鮑汁海皇炒麵係最出色，一上枱就聞到超香，鮑汁係「自家18小時餚製」梗要一試，真係好正！ 脆脆麵底冇乜油，撈埋啲鮑汁一齊食，真係好食到停唔到口，材料仲有魚柳、蝦、帶子、鮮魷，款款高質素，係encore之選。
冰室有兩層，亦有唔少卡位。 講真，喺旺角同類餐廳，呢度坐得舒服好多，唔駛身貼身咁食，仲有wifi方便旅遊人士添。
一睇餐牌就見到食物種類幾多，小食、小菜、粉、麵、飯、中式西式都有！ 好快就睇啱野嘢落order。
熱鴛鴦嘅茶味唔錯，但咖啡味麻麻，有啲失望。
龍鳳檸檬可樂有咸檸檬同新鮮檸檬，加埋冰凍可樂同咁多冰粒，真係透心涼。
椒絲腐乳炒通菜份量唔少，腐乳好濃又帶微辣，最正係有鑊氣，火喉啱啱好，通菜好爽脆。
魚湯胡椒蠔仔肉碎泡飯面頭有好多蠔仔，用料十足。 奶白色嘅魚湯，係用左深海龍躉骨腩餚製，好香甜。 仲帶有胡椒同香芹嘅香味，$48幾抵食。
鮑汁海皇炒麵係最出色，一上枱就聞到超香，鮑汁係「自家18小時餚製」梗要一試，真係好正！ 脆脆麵底冇乜油，撈埋啲鮑汁一齊食，真係好食到停唔到口，材料仲有魚柳、蝦、帶子、鮮魷，款款高質素，係encore之選。
张贴
