冬蔭公公 (已結業)

今日約咗阿女係沙田行街，等佢既時候個肚餓餓哋，於是走去冬蔭公公諗住食碗魚湯薯粉頂肚，因為之前食過，都覺得ok。坐低叫咗個魚湯底薯粉，加炸魚皮同鱿魚，仲有－杯咸檸七。真係好肚餓，等咗－陣魚湯底薯粉及炸魚皮先到，第一啖飲個湯底好淡，同之前差好遠，咬一啖個炸魚皮，硬多過脆，但因肚餓關係都食哂成碟，碗薯粉就食咗三份之二，但魷魚還未到，我就問個侍應係咪漏咗單，漏咗就唔要啦！但佢話好快補番比我，咁就要埋佢啦！點知呢碟野先係最伏，碗魷魚不論顏色賣相差外，味道奇差，囗感又怪，係我食過最最難食既鱿魚😣真係好難再幫襯！！！仲要76元！！