魚鮮生刺身專門店 (已結業)

登龍街中間有一間日式料理居酒屋🏮「魚鮮生刺生專門店」懷舊日式居酒屋格局，讓人好懷緬去日本旅行的時光...晚市有不同定食、丼飯，亦有單點的燒物、炸物、沙律、卷物、刺身等等。我同朋友叫咗一個定食，同一個丼飯。兩個套餐都配有蜆肉海帶湯同前菜─麻醬凍豆腐。豆腐好滑，加少少椰菜絲開胃。蜆肉海帶湯好鮮味。極上壽司定食 $38810款壽司，分別有左口魚、拖羅、活赤貝、牡丹蝦、帶子、海膽、三文魚籽、赤身、池魚、金目鯛，款款都配有大大件刺身，啖啖肉，好滋味！壽司飯用赤醋飯，味道更有層次。拖羅肥美厚身，油脂豐富。三文魚籽粒粒飽滿，味道咸香。火炙左口魚入口即融，加咗芝麻更香口。活赤貝爽口有嚼勁。牡丹蝦鮮甜，肉質彈牙。鮮活赤珍味丼 $268丼飯都係用赤醋飯，入面有活赤貝、帆立貝、廣島蠔、三文魚籽同海膽。活赤貝爽口有嚼勁。帶子大大塊好厚肉。廣島蠔大隻肥美，好滑嫩。📌魚鮮生刺身專門店 銅鑼灣登龍街31-35號地下#香港 #魚鮮生刺身專門店 #銅鑼灣 #hongkongfood #刺身