樂湯雞麵館 (庇利金街) (裝修中)

2020年終於快過，獎勵一下自己食餐好嘅，魚翅撈飯想食好耐啦，今日一於試下佢。由於限聚令關係，今次我自己一個人食，食哂一大個魚翅撈飯。呢間樂湯雞上網睇左好耐，食評都不錯。今次叫咗個砂鍋花膠雞湯翅加個靚仔，好足料，花膠大大件，魚翅都份量十足，湯底好濃厚，做到少少膠口嘅感覺。食店環境都好衛生，見到服務員都不停清潔，宜家咁嘅環境，大家真係要提高警覺，保持衛生。可能係宜家比較靜嘅關係，服務都好好，姐姐都不停問我有咩需要，希望之後忙返都做到呢個態度啦。題外話，見到隔離枱食個雞湯都好似好正咁，好抵食。本人十分滿足，希望大家捱得住今次疫情，可以一大班人一齊再食好野。