Outdark (H8)

今日同朋友去咗尖沙咀Oudark食韓式午餐，餐廳帶點韓式現代風，座位為卡位，坐得舒服！而且餐廳播著K-Pop ，而staff都係講韓文，好有氣氛！仲有抽獎送首爾來回機票，雖然中獎機會唔知有幾大，但免費抽下獎都幾開心，話唔定真係可以免費飛韓國呢！

串串魚糕湯
一上枱就聞到好香嘅魚糕味，湯底清甜飲落好暖胃。串串魚糕份量都幾多，一解去韓國的相思之苦！口感彈牙，仲有蘿蔔，鵪鶉蛋，粉絲，青口；整個湯頭不會太寡。私心如果有辣湯底選擇更佳！

韓式烤牛肉炒粉絲
粉絲炒得乾身唔油膩，牛肉嫩滑，仲有啲香菇同蔬菜，調味恰到好處，粉絲索晒啲汁，好入味。份量都幾大，兩個人share都夠食。

海鮮餅蔥煎餅
蔥餅好足料，漲卜卜！入面有蝦（大大隻架）、魷魚等海鮮，材料都幾新鮮。外皮煎得香脆，仲會剪好先上菜，蘸埋佢哋特製嘅醬汁，酸酸甜甜，香口好食！

10