今助烏冬御膳 (已結業)

之前食過1次晏晝同夜晚，但最抵食都係午市定食，選擇真係幾多，價錢又平過夜晚。今日二點幾黎食完全唔使等，大把位。第二次黎食都係㨂番佢個牛肉烏冬配彩花魚生飯定食（$98), 雙重滿足😍佢個烏冬份量都幾大碗，湯底幾清甜，有好多蔥花同埋d 一粒粒既脆米，不過就唔脆嘅。牛肉都好多，有成十塊八塊，肥瘦適中，烏冬食到尾都仲係keep 到彈牙，唔錯。不過最鍾意佢個魚生飯，雖然細細碗，但魚生仲多過飯😍材料好多，有帶子，甜蝦，三文魚，吞拿魚，油金魚，三文魚子，蛋，青瓜。個飯底仲有魚乾同菇，幾特別。食完真係勁飽，好滿足。唯一比較差係杯茶，淡到好似水咁。