極上龍吟海鮮丼專門店 (已結業)

經過叫間極上龍吟水產，見到幾靚又好耐冇食日本野，決定一試。入到去，裝修別緻，用上日本酒樽作裝飾，加上木枱木凳，很有日本感覺。店員推介魚生飯，三文魚海膽盛丼，169元算平，不過質素都好好，三文魚新鮮甜美，脂肪適中，海膽都滑溜又新鮮，加上紫菜食好味，飯我見都係日本米嚟，係頂級一見鍾情米，日本人真浪漫，米都改名得很有意思，食落真飯味特別香，整碗魚生飯都很出色。另嗌左刺身，點了吞拿魚同油甘魚刺身，超厚切，我諗佢一切算係人地三片了，一切放入口，成個口都係刺身，好鮮味，正，講返都有回味。見佢燒物小食都幾正，留返下次再嚟食過，碗魚生飯幾大碗，幾著數，食完都就飽，美味嘅一餐。