宗像屋 (已結業)

搭巴士途經青山道成日見到有一堆人喺呢一間舖頭排隊，今日決定一試！時間大概係下晝兩點，好好彩一行三人仲有四人枱。簡單嘅餐牌有四個等級嘅魚生飯選擇，有朋友揀咗最平嘅嗰種「梅」，另外有親戚揀咗「松」。前菜——魚生片，坦白講魚生片就冇乜特別有啲花生醬調味咁樣，釋法指引教我地先食一片，OK嘅，正常發揮。海鮮丼——呢一個魚生山令所有食客都冇辦法招架，個個拎部相機出嚟就係打卡，係誇張嘅，整個山嘅高度同盛載魚生飯嘅器皿差不多高，魚生味道好新鮮，大概有蟹子蟹柳三文魚子貝類帶子三文魚吞拿魚同其他魚類共10至11款，超級好食。手卷——釋法指引教我地將適量嘅海鮮和白飯放在紫菜入邊當手卷食，可惜紫菜唔夠乾身。茶漬湯飯——侍應生幫我哋加咗一碗湯，連埋剩低麻醬嘅魚生放入去碗入面，呢一味最好食。呢一餐十分滿足，終於明白到點解青山道長期出現一對人去排呢一間餐廳。