惠 (已結業)

🔍灣仔謝斐道151-161號金聲大廈地舖-----早前見到網站報道灣仔開咗呢間日式餐廳，主理人師承北海道米芝蓮二星廚師五十嵐信幸 (Sushizen すし善)，朋友話Lunch Time價錢相對親民，放假就Book咗位過黎試下。簡約嘅和風裝修，說不上華麗，但整整潔潔，有種親民嘅日式地道感。午市有兩款套餐，首次嘗試就揀咗價錢較平嘅$498 12貫壽司Set裡面亦連帶附有前菜（青瓜海蜇、茶碗蒸）、湯（麵豉湯）同甜品（靜岡哈密瓜）。➼12貫壽司：.✨包括有伊佐木、牡丹蝦、平定魚、墨魚、帆立貝、三文魚籽軍艦、金目鯛、深海池魚、北寄貝、野生吞拿魚、大拖羅、北海道海膽。.魚生質素不俗，整體穩定發揮，伊佐木鮮甜彈牙、牡丹蝦雪白通透、平定魚爽口無筋、野生拖羅色澤鮮紅帶油光 、海膽則呈鮮橙色，瓣塊結實之餘，入口亦細膩綿軟，為12貫壽司作一美好收結。✨抵讚位：伴壽司嘅醃牛蒡，條條清甜脆身，連我呢啲本身唔食牛蒡嘅人，都忍唔住食多幾條。服務員非常有禮貌。✨改善位：茶碗蒸雖幼滑，但冇乜餡料，豐富度略遜，麵豉湯比較Standard，加入大量日本小青蔥頗為解膩，但驚喜度可以更好。