魚米之家 (已結業)

呢個地方響門口望入去好似麻麻地, 初時行過唔敢試. 但我朋友同我講佢個米線湯底好正, 咁我就試下啦.入到去, 衛生ok啦, 坐位唔太多, 得兩張長檯, 跟住就三 / 四張卡位, 之後就三張四人檯, 一張二人檯. 因為朋友講得個湯底咁好, 咁我就叫左個鯇魚腩米線跟魚湯底 (一定要講明魚湯底, 因為佢另外有個蝦湯底). 跟住叫左個淨菜肉雲吞.首先試左個米線, 佢個魚湯真係好飲, 唔似出面o個d落晒味精, 好鮮味. 而且成碗米絲的份量都好多 (好鬼大碗). 好在我係同個朋友兩份食, 如果唔係一定浪費啦.而個菜肉雲吞, 食左一次之後我愛上左. 因為佢個味道係好住定自制那種 (唔係出面買現成去煮). 多菜少肉, 食落唔會濟好肥, 好有亞媽親手整o個種味道感覺, 好正!!!!!!呢間野雖然唔起眼, 但內面整的野食真係好好味, 要推介各位. 我諗我好快又會因為個菜肉雲吞會再去一次.