漁舍酸菜魚 (已結業)

酸菜魚嘅餐廳開到成行成市，但講到我經常會食嘅一間就必定係北角匯—漁舍🥢你可以叫佢哋嘅酸菜魚套餐，或者散嗌自己鍾意嘅嘢食，價錢合理份量足夠，約埋三五知己一齊食就最Perfect🧚🏼‍♀️🔥🔥食得辣嘅一定要食 川味辣子雞 ，炸過嘅雞肉酥脆有口感，乾辣椒足料到遮住哂啲雞肉，好辣嘅人必定會喜歡依個味道💥😋😋啖啖肉嘅 老乾媽鴨胸 有微微嘅煙熏味，老乾媽辣醬香而不辣，呢碟餸用嚟撈飯或面都一定好食😋❤️❤️果然係我最鍾意嘅 招牌酸菜魚 ，魚肉肉質結實，鮮甜味突出，配菜好似蓮藕、豆皮、寬粉等等吸收晒酸菜湯嘅精華，酸酸甜甜辣辣每一啖都係好滋味✨唔好睇小呢碟 涼拌土豆絲 ，清脆嘅士豆絲煮得剛好，雖然用料簡單，但我每次嚟都一定會叫，越簡單嘅食物越見餐廳嘅實力💪🏼