天機棧 (已搬遷) 新店位置

盛八滿庭到九點，剛巧見到openrice推介的天機棧，所以到下面碰一碰運氣，點知真係冇咩人。入面好黑，主要靠枱上的蠟燭。起初感覺好有情調，但坐落發覺真係好嘈。我知道依道唔係咩高級餐廳，但都係嘈得有點兒離譜，同友人講野都聽唔清楚...叫左一個二人餐:頭盤要左一個巴馬火腿加哈密瓜同一個牛油果沙律。Parma ham有點兒貨不對辦，係非常厚的火腿，有少少煙味但唔香。哈密瓜可能唔當做，一點兒都唔甜。牛油果沙律又係好失望，牛油果唔香，沙律醬冇味，雜果就一般吧。南瓜湯餐湯要了南瓜湯，濃度適中，蒜蓉包幾脆幾香。三文魚配牛柳主菜賣相唔錯，但食落就...三文魚煎得好乾，皮係點左麵包糠但都係唔脆，有點兒強差人意。牛柳還可以，煎得有點兒過熟都有牛肉味。試了友人的肉眼扒，比起我的牛柳好像差了點。意粉同汁都係茶記貨式，但當然份量少好多。甜品當然係大家都讚好的心丸軟。好細，但一整開佢朱古力就如湧到成個碟都係! 朱古力味好香，係全餐最滿足的! 如果個面脆少少就完美了。食完友人的布甸，味道好假，麻麻地。食物真係唔算好食，中規中矩，價錢亦都唔係特別平（二人餐已經係比較平嘅選擇），唯獨係有幾個course。好彩服務都幾好