影片
更多
2025-08-26
0 浏览
超正宗嘅中東黎巴嫩菜神隱到要有朝聖嘅心先好去前菜hummus、falafel同烤肉同個咒語般存在嘅pistachio cake都勁正囉！餐牌位於中環半山一角(揸車嚟門可以考慮餐廳前嘅車位)入夜抵達看到轉角發光探頭就會見到餐廳正門喺暗夜閃閃發光好醒目室內裝潢帶著異國風情但又不失溫馨餐牌好儀式感翻到brand story一頁會見到餐廳名嘅由來解說Sumac，一種帶柑橘香氣嘅暗紅色粉末係黎巴嫩嘅傳統香料Cocktail list 中亦有一杯叫Sumac嘅Margarita正好可以試到香料嘅獨特風味帶點酸，像梅子粉但相對温和一般人理解黎巴嫩菜等同中東菜但餐廳傳承正宗黎巴嫩菜所以菜式與烹調上更正宗餐廳經理上菜時亦會傳授正宗黎巴嫩人嘅食法所以基本上大部份時候都係用手在吃 前菜Mezza 有冷盤與熱葷冷嘅部份水準發揮Hummus platter三款口味鷹嘴豆蓉、甜椒蓉同茄子蓉個人最愛係茄子蓉嘅煙燻風味配原味薄餅好夾另外Yogurt + olive oil 亦係另一個永不會厭嘅bread dip正宗嘅黎巴嫩必然會見到Tabbouleh大量lemon juicy 拌入Parsley、薄荷葉、車厘茄等係一
神隱到要有朝聖嘅心先好去
前菜hummus、falafel同烤肉同個咒語般存在嘅pistachio cake都勁正囉！
餐牌位於中環半山一角
(揸車嚟門可以考慮餐廳前嘅車位)
入夜抵達看到轉角發光
探頭就會見到餐廳正門
喺暗夜閃閃發光好醒目
室內裝潢帶著異國風情但又不失溫馨
餐牌好儀式感
翻到brand story一頁會見到餐廳名嘅由來解說
Sumac，一種帶柑橘香氣嘅暗紅色粉末
係黎巴嫩嘅傳統香料
Cocktail list 中亦有一杯叫Sumac嘅Margarita
正好可以試到香料嘅獨特風味
帶點酸，像梅子粉但相對温和
一般人理解黎巴嫩菜等同中東菜
但餐廳傳承正宗黎巴嫩菜
所以菜式與烹調上更正宗
餐廳經理上菜時亦會傳授正宗黎巴嫩人嘅食法
所以基本上大部份時候都係用手在吃
前菜Mezza 有冷盤與熱葷
冷嘅部份水準發揮
Hummus platter三款口味
鷹嘴豆蓉、甜椒蓉同茄子蓉
個人最愛係茄子蓉嘅煙燻風味
配原味薄餅好夾
另外Yogurt + olive oil 亦係另一個永不會厭嘅bread dip
正宗嘅黎巴嫩必然會見到Tabbouleh
大量lemon juicy 拌入Parsley、薄荷葉、車厘茄等
係一個口感極豐富亦超級開胃嘅前菜
熱葷係望落邪惡嘅炸物
但黎巴嫩嘅炸物出名外脆內軟而毫不油膩
Falafel!我可以講係我食過嘅top3
正宗食法係用手拈起on side 嘅蔬菜
清新解膩
另一個驚喜係比較少食到嘅Kibbeh
免治羊肉與牛肉加入小麥、松子同洋蔥等平衡油膩同時加添口感
點TAHINI係一流食法
吸收大量澱粉後
主菜係肉肉同肉～～～
燒肉拼盤上有招牌雞胸
店員解說雞胸做到軟嫩唔乾柴嘅原因係用奶去醃製
配自家製magic sauce — 特調蒜蓉醬，超正！
另外仲有羊架、牛肉同羊絞肉串
羊架粉嫩帶騷香
雖然好full但甜品胃係有嘅
開心果mafroukeh
發音完全像Harry Potter 內嘅魔法咒語
其實係黎巴嫩家傳戶曉嘅傳統甜點
呢個開心果版本
用大量開心果碎整成嘅硬脆餅底
Topping係有啲似雪糕嘅厚重忌廉
好full但真心好好味
忍唔住一口接一口
即使….好飽好飽
一如其名，似魔法
0 浏览
0 赞好
0 留言
张贴
