魔芋麻辣雞 (已結業)

有朋友住葵興附近，有日去探佢就推介呢間佢食過幾次都幾好味既雞煲小菜，咁就試下訂位食。我地兩個女仔叫左個魔芋麻辣雞煲（半隻）BB辣同西蘭花炒鮮魷，雖然我地都幾鍾意食辣，但又唔食得太辣，而呢個BB辣既麻同辣剛好適中，又唔會太咸，因為出面有D雞煲食完會好口渴同死咸，所以食得好開心。而雞煲裡面D好特別，魔芋係老闆娘親自製造，放入雞煲裡面煮好入味，呢樣係同出面唔同既地方，果然好特別。仲有碟西蘭花炒鮮魷，鮮魷好爽，西蘭花都好脆口，又夠味炙炒得好有鑊氣，連本身跟埋碟蝦醬都唔需要用。