影片
更多
2023-04-04
48 浏览
🥰呢間以黑白風格為主調嘅特色餐廳，主打就係一個chill 字，非常適合大家過嚟打卡，不過除咗裝修風格特別之外，食物質素都非常之高㗎。有咩咁特別？睇落去咪知囉！@uluru.hk 。Peach Mojito $78首先上到嚟嘅就係我哋嘅飲品，今次我哋就帶咗啲杯非常refreshing嘅cocktail，入口非常溫和，冇太重嘅酒精味，反而有一種好清新嘅感覺。而且佢嘅桃味配上青檸都好夾，強烈建議大家試吓！。Tiramisu Coffee $52咖啡味嘅Tiramisu就好常見，但係Tiramisu味嘅咖啡就唔係好多地方有啦！呢度嘅signature果然係signature！真正咁做到飲得嘅Tiramisu，除咗咖啡基底至外，上面仲有好似mascarpone 一樣咁輕盈嘅奶泡，另外亦都加咗啲朱古力嘅風味，咁特別嘅fusion同埋創意，你今日飲咗未？。Shrimp Focaccia $138呢一個係我哋嘅前菜，係手掌咁大嘅生蝦刺身，加埋酥脆嘅麵包，仲有配料。首先要讚嘅就係食材非常新鮮，刺身好鮮甜，蝦頭亦都好嘢味，保留左最原本嘅味道。除咗蝦嘅鮮味，仲有黑松露作為點綴，配上麵包，真係啱啱好。。Bar
呢間以黑白風格為主調嘅特色餐廳，主打就係一個chill 字，非常適合大家過嚟打卡，不過除咗裝修風格特別之外，食物質素都非常之高㗎。有咩咁特別？睇落去咪知囉！
@uluru.hk
。Peach Mojito $78
首先上到嚟嘅就係我哋嘅飲品，今次我哋就帶咗啲杯非常refreshing嘅cocktail，入口非常溫和，冇太重嘅酒精味，反而有一種好清新嘅感覺。而且佢嘅桃味配上青檸都好夾，強烈建議大家試吓！
。Tiramisu Coffee $52
咖啡味嘅Tiramisu就好常見，但係Tiramisu味嘅咖啡就唔係好多地方有啦！呢度嘅signature果然係signature！真正咁做到飲得嘅Tiramisu，除咗咖啡基底至外，上面仲有好似mascarpone 一樣咁輕盈嘅奶泡，另外亦都加咗啲朱古力嘅風味，咁特別嘅fusion同埋創意，你今日飲咗未？
。Shrimp Focaccia $138
呢一個係我哋嘅前菜，係手掌咁大嘅生蝦刺身，加埋酥脆嘅麵包，仲有配料。首先要讚嘅就係食材非常新鮮，刺身好鮮甜，蝦頭亦都好嘢味，保留左最原本嘅味道。除咗蝦嘅鮮味，仲有黑松露作為點綴，配上麵包，真係啱啱好。
。Barbecue Platter $338
呢個拼盤真係超級犀利，冇諗過佢會咁大，大家記住量力而為，唔好浪費！拼盤嘅肉類，有黑椒香腸，豬肉雞肉，同埋牛肉。我最欣賞嘅係佢嘅豬扒，口感味道都好完美，而且佢嘅肥瘦部位都啱啱好！牛肉，做得好嫩，好juicy。雞肉保留左酥脆嘅外皮，嫩滑嘅肉質，火候啱啱好！佢嘅薯條都好值得欣賞，最鍾意呢啲又脆又粗嘅薯條！
。Soft Shell Risotto $148
除咗上面個拼盤之外，我哋仲帶咗軟殼蟹意大利飯，隻蟹超級大隻，一人一半啱啱好。通常食意大利飯都會好怕佢醬汁太過膩，但係今次佢比其他餐廳清淡，完全唔會有滯嘅感覺！
。Uluru 2D Cake $138
期待咗咁耐，終於嚟到我哋嘅重頭戲！可以用最低嘅價錢食到咁特別嘅2 D蛋糕，真係好開心呀！蛋糕上面仲有粒好得意嘅士多啤梨添！其實佢有三隻色可以揀嘅，白色就隨時都有，仲有兩隻神秘顏色，需要提前兩日打電話去預訂㗎！如果大家想知嘅話，可以去望吓佢哋嘅Menu，大家一定會覺得好驚喜！我哋嘅蛋糕入邊係果醬，清新嘅水果中和左忌廉嘅奶味，令我哋食到唔停口！
。Moomin World $128
呢個蛋糕嘅造型都非常獨特，蘑菇嘅造型除咗可愛之餘仲好精緻！我哋除咗食得好開心之外，仲玩得好開心！原來個蘑菇嘅外面都係脆皮嚟㗎！我哋敲開佢嘅過程都好治愈，上面部份係蛋糕同埋草莓忌廉，下面就係慕絲同埋果醬，成個配搭都好有心思，每一啖都係驚喜！
张贴
