燒鬼 (已結業)

臨近中秋時節，相約好友喺銅鑼灣午餐一聚兼且交收月餅，好友請我食飯，揀咗呢間新開嘅燒鬼食燒肉，正呀！新開嘅燒鬼裝修格局新潮，以鬼怪為主題，牆上有很多日式鬼怪圖畫， 感覺型格時尚。先嚟嘅係大量前菜包括大大碗很鹹香的枝豆，大大件的五色刺身，泡菜豆腐，海蜇沙律。然後就係的骰可愛嘅和牛壽司和炙燒帶子壽司，壽司細細件，唔會霸佔胃容納，非常欣賞，而且隻燒帶子壽司上面的明太子醬很對本人胃口。再來就是和牛拼盤，四款牛肉每款兩片。中腹肉，顧名思義就係肚腩，十分肥美，可見呢隻牛生前相當好食好住。又有前腹肉，廚房哥哥明顯知我身型不小，知我鍾意食肥美嘅牛肉，呢件牛肉嘅油脂相當豐腴，吃罷十分幸福非常滿足。上小排肉和腹脅，脂肪分佈很平均，很有牛味。食日式燒肉唔一定要飲酒，飲可樂都好夾㗎。仲有唔係好多地方都有得食嘅茶漬飯。另外仲有燒海鮮，同菇菇。餐廳空間大而且抽氣強勁，冇油煙問題，令我可以同朋友並排而坐不用對坐。餐廳上菜速度極快，未食到1小時30分都已經飽到頂住個心口，連甜品嘅一口蕃薯都食唔落，要即刻走人落街行下消化下。這個中秋真快樂。