Vie Won Won (已結業)

happy friday揀咗呢間迷離大宅入去探下險。入到去成個拍MV嘅場境咁，樓底特高而且處處都係影相位。店內集合各種style嘅舊物（超鐘意我地枱上個迷你頌缽）無厘頭得嚟亦創造出一種獨一無二嘅vibe，相信有日光之時到訪會有另一番風味。𖦹 滷水香煎鵝肝芝士燉飯 $168fusion驚喜之作，將中式滷水嘅神韻完美地融入risotto中，配上煎得恰到好處、入口即化嘅鵝肝，仲有塊葉型嘅脆芝士，值得一試！ 𖦹 蝦沾麵 $188與其話係沾麵，佢更似撈手工意粉，麵條粗身偏硬，甚具嚼勁而且掛滿濃郁嘅龍蝦汁，兼帶雜菌嘅香氣。牛油烤開邊龍蝦尾賣相吸睛，啖啖都係肉。𖦹 迷幻蘑菇 $98煙燻味強勁，煙霧彌漫，的確迷幻。蘑菇嘅上層係有隱藏辣味嘅士多啤梨雪葩、下層係有朱古力夾心嘅芒果雪葩，味道酸酸甜甜，質感似食緊雪糕月餅，得意搞鬼。𖦹 the taste of life $98人生是甚麼？（我今晚不知道喎）飲落似五青汁梳打 — 以Gin、苦瓜、蘋果、青檸與蜜糖調製，一杯呈現人生五味雜陳嘅cocktail。𖦹 西芹檸檬青蘋果梳打 $48清新開胃，係健康嘅味道。