鬼混 (已搬遷) 新店位置

餐廳雖然以鬼怪為題材，但一啲都唔恐怖，坐近窗嘅位置仲好光猛開揚，lunch time比較多人但過咗就會好少少!! 🔘Choose Your Own Menu (6 items)眼見都幾多人order呢個set，自由度幾大想食少啲可以揀3個items，但大食同咩都想試嘅我哋就揀咗6個items，我哋揀咗魷魚圈、炸蝦、黑毛豬、味增鯖魚、日本魚子、半熟溫泉蛋，自己砌咗個小食拼盤出嚟😆，黑毛豬同魷魚圈都幾好食，鯖魚成條上非常大條肉質都唔錯，魚子同蛋用嚟撈烏冬食!! 如果主食可以多個選擇係沙律就好了，因為而家都興食少啲碳水化合物!! 🔘美國西冷牛扒原本以為會係薄切嘅西冷扒，但送到上嚟係非常有厚度嘅牛扒，好彩係同朋友share食，配菜有菇、蘆筍同薯角，牛扒肉質鮮嫩有嚼勁，比較適合喜歡有咬口嘅人!! Lunch set亦包左湯或者沙律，欣賞個沙律因為裏面有好多生果，沙律菜新鮮醬汁亦醒胃!!