當文歷餅店 by Dominique Ansel (已結業)

吉烈滑蛋三文治（$78）平時食當文歷都淨係食佢地啲cake，有啲食到厭，所以今次就試下佢地啲咸嘅嘢。見到佢個蛋治原來有連埋嗰set，所以就叫嚟試下。一上到嚟其實就覺得好一般，佢放係我枱面嗰下我直情心諗咁樣收人$78？不過諗諗下都係俾機會佢先再評論佢。食第一啖就已經覺得好好食呀！先講佢嗰蛋，佢嗰蛋真係好正，好似食緊舊雲咁，同埋佢有熱辣辣咁。另外，佢重用咗啲XO醬搽咗係塊包同蛋中間，食落有啲咸香味。塊包食落重有好香嘅牛油味。不過$78真係偏貴，用海港城coupon先去食就算抵嘅👍🏻