潮丸 (已結業)

平時茶餐廳食到嘅粉麵，估唔到都有新式新潮嘅餐廳坐立於尖沙咀，裝修門面靚，而且容易搵到。餐廳招牌湯麵嘅湯底就係用咗傳統超過十小時新鮮腩汁去製成，小食方面嘅牛丸同埋炸雲吞賣相夠哂吸引，而且最重要係絕無添加味精！秋冬天氣當然要叫杯熱飲品滋潤下，我就最鍾意飲熱柚子蜜，朋友們就叫咗凍奶茶，佢仲讚奶茶茶味好香濃，而且係絲滑嘅質感。炸墨魚丸好彈牙，點小小泰式辣醬一齊食，更加滋味。滷水拼盤中有五花腩、豬手、滷水蛋、豬腸同埋滷水豆腐，各款食物都非常入味，滷水汁唔算太鹹，味道啱啱好。特別係豬手炆得好林好入味，仲有兩款醬汁作調味。主菜方面我哋叫咗魚三鮮湯河粉同埋崩沙牛腩飯Share食。崩沙牛腩飯嘅牛腩非常林，而且半肥瘦的，加上腩汁撈飯一流。整體而言，餐廳多款式食物同埋飲品選擇，難怪咁多本地人同埋遊客幫襯。