影片
更多
2024-06-14
55 浏览
仲未有機會可以飛去泰國玩 就嚟試下泰式火鍋放題先啦呢間泰金鍋位於創興廣場6樓位置超方便一出𨋢就感到滿滿嘅泰國風情就連店員都著住好有泰式風味嘅服裝 真係好似去咗泰國咁Set B $268火鍋湯底揀咗兩款充滿泰國特色嘅泰金冬陰功鍋同青檸椰奶雞湯煲 冬陰功酸酸辣辣咁好開胃 青檸椰奶酸酸地奶味香濃除咗有幾款食物需要用手機qr code落單其他都可以去出面拎肉類方面選擇有好多有肩胛牛小排 肩胛肉眼 特級牛胸腹 極上牛舌 特級牛胸爽 皇冠豚梅肉 同草飼羊肩肉 肉類夠晒新鮮 最鍾意食牛小排 肉味超濃郁 口感柔嫩蟹子墨魚滑鮮味十足 好有咬口泰式串燒豬肉串同雞肉串熱辣辣 配埋泰式醬好惹味泰拳蝦餅爽口彈牙 原隻大蝦米網卷酥酥脆脆唔油膩 榴槤炸彈一咬落去爆晒啲榴槤出嚟超正泰式海南雞外皮好爽彈 雞肉超級嫩滑最正係出面有一個大魚缸入面放咗大量活海蝦俾我哋自己夾 咁就夠晒新鮮啦另外仲有超多款唔同嘅丸類 菇類 菜類等等 打邊爐要有嘅材料呢到都有熟食方面有咖哩大蝦 辣炒肉碎 粉絲蝦 泰式炒飯每款都試咗少少最鍾意食粉絲好入味飲品方面除咗有唔同嘅汽水同紙包飲品仲有三款特色泰式飲品一定要試下泰式綠奶茶真係好有泰國風味水果方
仲未有機會可以飛去泰國玩 就嚟試下泰式火鍋放題先啦呢間泰金鍋位於創興廣場6樓位置超方便
一出𨋢就感到滿滿嘅泰國風情
就連店員都著住好有泰式風味嘅服裝 真係好似去咗泰國咁
Set B $268
火鍋湯底揀咗兩款充滿泰國特色嘅泰金冬陰功鍋同青檸椰奶雞湯煲 冬陰功酸酸辣辣咁好開胃 青檸椰奶酸酸地奶味香濃
除咗有幾款食物需要用手機qr code落單其他都可以去出面拎
肉類方面選擇有好多有肩胛牛小排 肩胛肉眼 特級牛胸腹 極上牛舌 特級牛胸爽 皇冠豚梅肉 同草飼羊肩肉 肉類夠晒新鮮 最鍾意食牛小排 肉味超濃郁 口感柔嫩
蟹子墨魚滑鮮味十足 好有咬口
泰式串燒豬肉串同雞肉串熱辣辣 配埋泰式醬好惹味
泰拳蝦餅爽口彈牙 原隻大蝦米網卷酥酥脆脆唔油膩 榴槤炸彈一咬落去爆晒啲榴槤出嚟超正
泰式海南雞外皮好爽彈 雞肉超級嫩滑
最正係出面有一個大魚缸入面放咗大量活海蝦俾我哋自己夾 咁就夠晒新鮮啦
另外仲有超多款唔同嘅丸類 菇類 菜類等等 打邊爐要有嘅材料呢到都有
熟食方面有咖哩大蝦 辣炒肉碎 粉絲蝦 泰式炒飯每款都試咗少少最鍾意食粉絲好入味
飲品方面除咗有唔同嘅汽水同紙包飲品仲有三款特色泰式飲品一定要試下泰式綠奶茶真係好有泰國風味
水果方面都好東南亞 有西瓜菠蘿同蜜瓜
另外仲有好期待嘅泰式甜品 椰汁西米糕同斑蘭千層糕都好好食
雪糕櫃仲有冰冰！ 打完邊爐食返個凍冰冰嘅雪條就啱晒
张贴
