同Lisboy上完堂搵好嘢食先去游水🌊今次就食咗旺角好正嘅台灣嘢食😋
🍽️ 蕃茄牛肉牛筋麵
食台灣人開嘅台灣餐廳梗係食佢哋嘅牛肉麵啦，今次我哋就叫咗呢個蕃茄牛肉麵試吓，我哋仲加咗$3轉新竹米粉🍜真係夠晒健康🤤牛肉炆到入晒味！
🍽️ 炸排骨便當
炸排骨便當，大大碗滷肉飯，夠晒正宗，炸排骨雖然要等15分鐘，但係新鮮出爐，外脆內熱🤤夠晒Yummy，仲有幾款配菜配埋一齊食，真係好開胃😋
🍽️ 韭菜蚵仔煎+ 梅子地瓜條
我哋仲叫咗小食，今次試咗夜市最出名嘅蚵仔煎，好多蛋，啖啖蚵仔肉😋仲有炸個脆卜卜嘅梅子地瓜條🍟香甜鬆脆，配埋梅子粉，酸酸甜甜好正！
🧋 芝士岩鹽炭燒烏龍 + 粒粒白桃汁
台灣嘢飲當然要試佢哋嘅芝士奶蓋，我哋就叫咗芝士炭燒烏龍茶😍仲要加埋特色嘅珍珠💦煙煙韌韌好好咬口🧋粒粒白桃汁就啱晒Lisboy🥰酸酸甜甜開晒胃，估唔到佢食到咁多嘢！
