LOF10 Bistro (已結業)

今日同朋友喺灣仔食個 late lunch, 嚟到新開的 LOF10 “辦館”, 佢主打西餐cafe, 亦有酒類供應。店內有落地玻璃座位, 可以享受著微爛陽光, 一邊欣賞外面繁華街景, 感覺休閒慢活。午餐有餐湯、沙律、主菜配餐飲, 大部分都係一百蚊以下, 咁嘅環境認真唔錯！溫泉蛋沙爹安格斯牛肉飯安格斯牛肉粒軟熟滑溜, 溫泉蛋產自鹿兒島, 蛋味特別濃沃, 加上沙爹醬, 甜甜地不太辣似日式咖哩, 濃稠黏口伴飯一流！紅酒燴澳洲和牛面頰配薯蓉牛面頰肉脂肪較少, 肉質軟嫩清甜, 炆得腍身入味, 入口即化！份量頗大, 無骨啖啖肉, 感覺滿足！巨峰提子梳打巨峰提子充滿果汁味道, 用嚟做梳打特別冰涼解渴！紅豆抹茶牛奶抹茶味重, 牛奶幼滑順口 ,仲食到粒粒軟熟紅豆！