古早味原住台灣 (已結業)

呢間餐廳位處2樓。先講裝修，幾新淨同簡潔。 到達時間尚早，可以坐到卡位，可以透過大玻璃望見人來人往的街道。先叫咗個雞軟骨做前菜，新鮮熱辣炸出嚟，層粉又夠薄，好味。我叫咗紅燒豬軟骨麵。 有兩嚿大嘅豬軟骨， 嚿豬軟骨雖然大舊，但煮得好冧。隨餐附送小食，有西蘭花，青瓜同埋春卷。太太叫咗個豐收飯。 取其意大豐收，即係乜嘢都有，有雞蛋、台灣腸、雞翼、紅燒肉同青魚。嘢飲方面叫咗杯烏龍奶茶，不過佢哋凍飲用膠杯，潮流興走塑，希望佢哋可以改善一下。其實呢度價格相當便宜，一個餐都係60蚊鬆啲，性價比超高，環境又舒適，值得推介。👍👍👍