北京老家 (已結業)

新工轉左黎旺角，最開心係食嘢嘅地方好多，基本上唔需要等位😄呢個半月都係同同事出去食飯，試左唔少餐廳，台灣菜，越南菜，泰國菜，港式快餐，雲南菜，韓國菜，日本菜，一個星期五日輪住吃，開頭都幾新鮮，但過左一個月開始有D悶😹是日又行左去西洋菜南街，由街頭開始行，本來打算由文華冰室開始數第三間就入去食，咁巧第三間俾警察查牌😿唯有揀過另一間喇咁巧見到街招#北京老家 有同事話前幾日食過另一間分店，味道同環境都唔錯，咁即刻拍板就呢間啦😬一出lift就覺得好古色古香，中午人唔多，安排左我地九個人做大檯，未坐低已經哇一聲，好大缸魚係檯中間，冇錯檯中間係透明玻璃，真係見到魚缸同魚打開餐牌有16個午市特價菜，一人叫一個點左九個，好開心可以有咁多款式揀。落左單繼續影相😬今日帶埋寶可夢出黎（我都係鍾意叫皮卡丘多D)，哈哈好襯呢個金魚缸。呢間舖叫北京老家，檯凳係木頭好有古典味道，餐具係放青花瓷，浦坐低用餐彷彿夢回到大清皇朝嘅茶館，聽一曲品一茶，生活就係一種享受。以前嘅人冇網絡，冇手機，冇淘寶，值得擁有咁優雅的生活，依家太多誘惑好少時間坐低落黎傾計(好少跑題了⋯⋯)等左一陣開始上湯，中式文化逢飯必有湯，今日係豬骨中藥