影片
更多
2019-07-14
449 浏览
今日同男友到旺角，特意拜訪近期OpenRice好 hit 既台灣文青cafe 朝下聖。未入門， 已經被呢度既落地大玻璃吸引，係繁華熱鬧、到處霓虹燈既街道 有一間復古工業風既餐廳， 感覺別樹一幢。一入門口， 樓底足足有兩層樓咁高， 完全唔覺任何局促，非常闊落， 樓下係正常餐飲加開放式廚房， 樓上比較chill, 有水煙（下次約多d 朋友試下）。餐廳所有都係全自助形式， 由搵位， 點餐， 取餐，甚至餐後都係自己放回收集點。小妹好中意呢種自助形式， 夠哂自由。我哋叫咗兩個燉飯， 一set雙人套餐（有沙律，麵包同兩杯小果昔），以及兩杯花茶。一叫完餐冇耐好快就有果昔 沙律同麵包沙律菜都好fresh, 不過太多汁有點酸。 麵包值得一讚， 一來份量非常多， 二來配搭醬料非常好味， 漿料點在碟上周圍可以自由控制分量，醬料分別有無花果醬，忌廉芝士同牛油。第一次食無花果醬，甜味適中， 有少少果肉， 有d 似橘味， 配上creamy 牛油 夾麵包一流。關於果昔， 我有個小誤會， 以為係一杯奶昔可以飲， 原來係甜品， 一shoot 咁大既杯裝住果昔。（早知我買多杯桔梗奶昔飲）雖然比我想像中有出入，但係味道依然
未入門， 已經被呢度既落地大玻璃吸引，係繁華熱鬧、到處霓虹燈既街道 有一間復古工業風既餐廳， 感覺別樹一幢。
一入門口， 樓底足足有兩層樓咁高， 完全唔覺任何局促，非常闊落， 樓下係正常餐飲加開放式廚房， 樓上比較chill, 有水煙（下次約多d 朋友試下）。
餐廳所有都係全自助形式， 由搵位， 點餐， 取餐，甚至餐後都係自己放回收集點。小妹好中意呢種自助形式， 夠哂自由。
我哋叫咗兩個燉飯， 一set雙人套餐（有沙律，麵包同兩杯小果昔），以及兩杯花茶。
一叫完餐冇耐好快就有果昔 沙律同麵包
沙律菜都好fresh, 不過太多汁有點酸。
麵包值得一讚， 一來份量非常多， 二來配搭醬料非常好味， 漿料點在碟上周圍可以自由控制分量，醬料分別有無花果醬，忌廉芝士同牛油。
第一次食無花果醬，甜味適中， 有少少果肉， 有d 似橘味， 配上creamy 牛油 夾麵包一流。
關於果昔， 我有個小誤會， 以為係一杯奶昔可以飲， 原來係甜品， 一shoot 咁大既杯裝住果昔。（早知我買多杯桔梗奶昔飲）
雖然比我想像中有出入，但係味道依然美味，上面有啲藍莓醬同生果，杯底有蜂蜜，奶昔似乎有香蕉，溝埋一齊食有種特別既香甜， 一細杯唔多夠喉。
松露小藍莓 小驚喜燉飯
個樣似黑松露忌廉risotto, 一開始對risotto 有藍莓有啲好奇， 原來係將原粒藍莓擺上risotto 上面 再有藍莓醬淋上， 配上菌類。 食落d 飯好creamy , 忌廉夠香濃，藍莓醬又發揮酸甜中和作用， 加埋隻溫泉蛋，食落一d 都唔膩， 菌類有調味， 似有烤過既香味， 食落較爽口， 果然有小驚喜。
串燒吃燉飯 配串燒
而呢一道係蕃茄汁做底，配上兩條大串燒同溫泉蛋，串燒有肉，茄子同黃椒。番茄醬食落新鮮， 完全唔酸， 肉塊有d 特別， 係爽口既， 食唔出係咩肉。 茄子同黃椒都好新鮮， 烤既時間岩岩好， 唔會overcook 而變乾， risotto 煮法比較地道， 偶爾會食到一兩粒硬飯， 更加有口感， 愈食愈開胃。
最後有薰衣草茉莉花茶同洛神花茶作結， 如果對薰衣草就未有抗拒嘅你我就唔建議你試啦， 但洛神花一般人較易接受。
餐廳上菜夠快， 份量多， 最吸引係地方幾靚唔局促， 下次會約閏蜜好伙伴去encore。
张贴
