月．火鳳燒鳥 (已結業)

喺旺角食肆林立嘅街頭入面，有一間門面唔係太起眼嘅日式串燒居酒屋🍢 如果唔係朋友介紹都唔知😂 餐廳有兩層，樓下係吧枱設計，樓上就係榻榻米設計比較日式，嘆清酒比較chill🍶我哋坐低之後，店員就同我哋推薦唔同嘅料理。除咗有普通Menu之外，其實仲有當日新鮮食材整嘅料理。-嚟到居酒屋點都要試吓佢啲清酒~ 我哋就叫咗一支店員推薦比較fruity，但酒精濃度比較高嘅清酒，果然入口好清新同順喉，唔錯唔錯👍🏻 串燒方面就主要叫咗肉類同蔬菜，包括京蔥雞肉、牛肋骨、雞腿肉、青椒仔等等，其中牛肋骨好驚喜，除咗已經幫你拆好晒肉之外，燒得仲好香口🤤 其他串燒全部都燒得唔錯幾香口，食材質素都幾高質，送酒一流🍻除咗串燒之外我哋仲叫咗炸蠔同冷稻庭烏冬，份量都幾多，睇嚟適合多人分享。冷稻庭烏冬好煙韌質感剛剛好，食完較油膩嘅串燒，再食清新嘅冷烏冬中和下真係好夾😁