博多拉麵別天神 (已結業)

旺角行完街街，又攰又餓，好想快D搵食，經過見到別天神，食拉麵係快、靚、正既。好，坐座底睇下有咩好食先。我比較喜歡食清淡冇咁油膩既湯底，所以要左豚骨湯。別天神湯麵套餐，呢個超濃白湯係用豚骨長時間熬岀黎，飲落好甜，放左一陣，仲會起皮，證明湯底好重蛋白質。麵身食落夠彈夠爽口，亦沾有湯底味道。豚肉叉燒厚肉得黎仲半肥瘦，正！小龍蝦蟹子沙律，食落啖啖龍蝦肉，好鮮甜味美，再配埋蟹子係口腔爆開，真係好彈好有口感。